Millatlar ligasi yarim finalida Ispaniya terma jamoasi 15 iyun, payshanba kuni Italiyaga qarshi bahs olib bordi.

Uchrashuvning 3-daqiqasida Ispaniya futbolchisi Yeremi Pino hisobni ochdi. 11-daqiqada esa Chiro Immobile penaltidan unumli foydalanib, muvozanatni tikladi. Jamoalar tanaffusga durang natija bilan yo‘l oldi.

Ikkinchi bo‘limda ham hujumkor vaziyatlar bo‘ldi va 88-daqiqada esa ispanlar xavfli vaziyatni golga aylantirdi. Bu safar Xoselu o‘z hisobiga gol yozdirib qo‘ydi. Shu tariqa Ispaniya zafar quchdi va finalga yo‘l oldi.

Ikkinchi yarim finalda Xorvatiya Niderlandiya ustidan g‘alaba qozonib, final yo‘llanmasini qo‘lga kiritgandi. Millatlar Ligasi finalida Ispaniya va Xorvatiya o‘zaro to‘qnash keladi.

Millatlar ligasi, yarim final
15 iyun, payshanba
Ispaniya – Italiya 2:1
Gollar: 1:0 – 3 Pino, 1:1 – 11 Immobile (penalti), 2:1 – 88 Xoselu.
Ispaniya: Unai Simon, Navas, Laport, Le Norman, Alba, Merino (Fabian Ruis, 74), Rodri, Pino (Fati, 74), Gavi (Kanales, 68), Rodrigo (Asensio, 46), Morata (Xoselu, 84).
Italiya: Donnarumma, Di Lorenso, Bonuchchi (Darmian, 46), Toloi, Acherbi, Spinassola (Dimarko, 46), Jorjinyo (Kristante, 61), Barella, Frattezi (Verratti, 76), Zaniolo, Immobile (Kyeza, 60).
Ogohlantirishlar: Immobile (38), Alba (45), Gavi (57), Morata (83).

Manba: stadion.uz