«Yuventus» yozgi transfer oynasida hujumchi Dushan Vlahovich bilan xayrlashishga tayyor, deb xabar berdi La Gazzetta dello Sport.

Nashr xabariga ko‘ra, hujumchiga «Chelsi» qiziqish bildirmoqda. Italiya klubi muzokaralar bosqichidan birida serbiyalikni 80 million yevrodan kam bo‘lmagan narxga sotishga tayyorligini ma’lum qilgan.

Vlahovich o‘tgan yilning yanvaridan beri «Yuventus»da to‘p tepmoqda. Futbolchining turinliklar bilan shartnomasi 2026 yilning yozida yakuniga etadi.

2022/23 yilgi mavsumda serbiyalik barcha musobaqalarda 42 ta o‘yinda maydonga tushib, 14 ta gol urdi va 4 ta golli uzatmani amalga oshirdi. Transfermarkt portali uni 75 million yevroga baholagan.