«Barselona» yangi mavsumda futbolchilar maoshiga sarflanadigan xarajatni 450-470 million yevrogacha pasaytirishni rejalashtirmoqda.

O‘tgan mavsumda bunday xarajatlar 656 million yevroni tashkil qilgan bo‘lsa, hozirda - 530 million yevro. Xarajatlarning qisqarishiga yaqinda Serxi Buskets va Xordi Alba, undan oldinroq Xerard Pike va Memfis Depayning ketishi sabab bo‘lgan.

Keyingi qadam - boshqa klublarga ijaraga berilgan futbolchilar bilan xayrlashish orqali xarajatlarni 50 million yevroga qisqartirish. Ular: Kleman Langle, Samuel Umtiti, Serjino Dest, Aleks Kolyado va Gustavo Mayya.

Shuningdek, klub ayollar jamoasi, basketbol, gandbol va futzal jamoalari maoshi uchun sarflanadigan 90 million yevroning bir qismini qisqartirishni ham rejalashtirgan.