Braziliya milliy jamoasi va «Real» hujumchisi Vinisius Junior Ispaniya chempionatining eng qimmat futbolchilari reytingida 1-o‘ringa ko‘tarildi. Bu haqda Transfermarkt portali xabar berdi.

22 yoshli to‘purarning transfer qiymati 150 mln yevroga teng. Mavsum davomida bu qiymat 30 mln yevroga oshgan va Vinisius narxi eng ko‘p qimmatlagan futbolchiga aylangan.

Transfermarkt talqiniga ko‘ra, La Liganing eng qimmat futbolchilari:

1. Vinisius Junior («Real», Braziliya) — € 150 mln.
2. Rodrigo («Real», Braziliya) — € 100 mln.
3–4. Pedri («Barselona», Ispaniya) — € 100 mln.
3–4. Federiko Valverde («Real», Urugvay) — € 100 mln.
5. Gavi («Barselona», Ispaniya) — € 90 mln.
6–7. Eduardu Kamavinga («Real», Fransiya) — € 85 mln.
6–7. Orelen Tchuameni («Real», Fransiya) — € 85 mln.
8. Frenki de Yong («Barselona», Niderlandiya) — € 75 mln.
9–10. Eder Militao («Real», Braziliya) — € 70 mln.
9–10. Ronald Arauxo («Barselona», Urugvay) — € 70 mln.