Italiya A Seriyasi 28-turi doirasidagi «Spetsiya» - «Salernitana» o‘yini oldidan mezbonlar bosh murabbiyi Leonardo Semplichi Eldor Shomurodov haqida gapirdi.

«Shoma milliy jamoasidagi o‘yinlarda o‘zini har tomonlama yaxshi ko‘rsatdi, gol urdi, uning harakatlaridan qoniqdim. U yanada qadrlanishi kerak bo‘lgan futbolchi, unga yaxshiroq va ko‘proq imkoniyat berishim lozim. Eldor bunga munosib. 

U kuni kecha jamoamiz ixtiyoriga qaytdi. Mashg‘ulotlarda uning holatini baholab, yakshanba kungi bahsda undan qanchalik foydalana olishimiz bo‘yicha bir to‘xtamga kelamiz. «Salernitana» turnir jadvalidagi raqobatchimiz, yonma-yon bormoqda. Bu uchrashuv biz uchun katta ahamiyatga ega», - deydi Leonardo Semplichi juma kungi matbuot anjumanida.

Ma’lumot uchun, «Spetsiya» - «Salernitana» bahsi 2 aprel kuni soat 18:00da boshlanadi. Spetsiyaliklar 24 ochko bilan 17-o‘rinda, raqib esa 27 ochko bilan 16-o‘rinni egallab turibdi.